Connect with us

മൂവി

തിരികെയെത്തട്ടെ ആ നല്ലനാളുകൾ

Published

on

മൂലധനം എന്ന സിനിമ എനിക്കൊരിക്കലും മറക്കാൻ കഴിയില്ല. എൻ്റെ ചെറുപ്പത്തിൽ ഞാൻ ആദ്യം കണ്ട സിനിമയാണത്. കണ്ടത് കേച്ചേരി സവിത തിയ്യേറ്ററിൽ.
അന്ന് സവിത ഒരു ഓല തിയ്യേറ്ററാണ്.

പിന്നെ പന്നിത്തടം ഹേമ, മരത്തംകോട് ഐശ്വര്യ, പെരുമ്പിലാവ് കാസിനോ, മറ്റം യൂണിയൻ, കുന്നംകുളം ഗീത, വേലൂർ ജോൺസൺ, വടക്കാഞ്ചേരി അലങ്കാർ അങ്ങനെ എൻ്റെ ചെറുപ്പകാലം ചിലവഴിച്ച നിരവധി ടാക്കീസുകൾ.

മറ്റത്തും, വടക്കാഞ്ചേരിയിലുമൊക്കെ ബന്ധുവീടുകളിൽ പോകുന്ന സമയത്ത് അവരോടൊപ്പം പോയിരുന്നതാണ്. എൻ്റെ മനസ്സിൽ സിനിമയോടുള്ള അഭിനിവേശത്തിന് വിത്തുപാകിയത് ഈ ടാക്കീസുകളായിരുന്നു.

കാലക്രമേണ പിടിച്ചു നിൽക്കാനാവാതെ ഇവയിലോരോന്നായി പ്രവർത്തനം നിലച്ചു. ഇന്നിപ്പോൾ അക്കൂട്ടത്തിൽ ബാക്കിയുള്ളത് കേച്ചേരി സവിത മാത്രം.ഇന്ന് സവിത ഏ.സി. തിയ്യേറ്ററാണ്. അറിയപ്പെടുന്ന റിലീസ് കേന്ദ്രവും കൂടിയാണ്.

ആദ്യമായി സിനിമ കണ്ട തിയ്യേറ്റർ എന്ന നിലയിൽ, സിനിമയോടുള്ള എൻ്റെ ഇഷ്ടത്തിൻ്റെ വിത്ത് മുളച്ച ഇടം എന്ന നിലയിൽ എൻ്റെ ഏറ്റവും പ്രിയപ്പെട്ട തിയ്യേറ്റർ.

കാഴ്ച്ചക്കാരനിൽ നിന്നും സിനിമാക്കാരനായി എൻ്റെ വളർച്ചയ്ക്കൊപ്പം,
ഓല ടാക്കീസിൽ നിന്നും റിലീസ് കേന്ദ്രമായുള്ള സവിതയുടെ വളർച്ചയും എനിക്ക് അഭിമാനവും, സന്തോഷവും നൽകുന്നതായിരുന്നു.

കോഴിക്കോട് സ്ഥിരതാമസമായതിൽ പിന്നെ വല്ലപ്പോഴും മാത്രമായിരുന്നു എൻ്റെ സന്ദർശനങ്ങളെങ്കിലും,
സവിതയുടെ കവാടം കടന്ന് അകത്തേക്ക് കയറുമ്പോൾ ഞാൻ മനസ്സ് കൊണ്ട് ആ പഴയ കുട്ടിയായ് മാറുമായിരുന്നു.

കടലയും കൊറിച്ച്, ബഞ്ചിലിരുന്ന് മൂലധനം കണ്ട ആ ചെറിയ കുട്ടി. ലോക്ക് ഡൗണിൽ പെട്ട് ഫ്ലാറ്റിനുളളിലൊതുങ്ങിയതിന് ശേഷം കഴിഞ്ഞ ദിവസങ്ങളിലൊന്നിൽ വീണ്ടും എൻ്റെ വേരുകൾ പടർന്ന തൃശ്ശൂരിലേക്ക് ഞാൻ പോയി.

ഒരു സിനിമയുടെ പ്രാരംഭഘട്ട ചർച്ചകൾക്കായായിരുന്നു ആ യാത്ര. കൂട് തുറന്ന് പുറത്ത് വന്ന ഒരു പക്ഷിയുടെ സന്തോഷത്തിലായിരുന്നു ഞാൻ .
ദിവസങ്ങൾ നീണ്ട മടുപ്പിൽ നിന്നും ഒരു മോചനം ; ഒരു യാത്ര! അതും സിനിമാ സംബന്ധിയായ ഒരു യാത്ര ! ആ യാത്രയിൽ ഞാൻ വീണ്ടും എൻ്റെ പ്രിയപ്പെട്ട സവിത തിയ്യേറ്റർ കണ്ടു. ആരവങ്ങളും ആഘോഷങ്ങളും നിറഞ്ഞിരുന്ന,കരഘോഷങ്ങൾ മുഴങ്ങിയിരുന്ന,
ജനസാഗരം ഇരമ്പിയെത്തിയിരുന്ന, ഹൗസ്ഫുൾ ബോർഡുകൾ നിരന്തരം തൂങ്ങിയിരുന്ന എൻ്റെ പ്രിയപ്പെട്ട തിയ്യേറ്റർ !

ഇന്നവിടം വിജനമാണ്. മൂകത തളം കെട്ടിക്കിടക്കുന്നു. വെയിലേറ്റ് നിറം മങ്ങിയ പഴയ പോസ്റ്ററുകളും, നശിച്ചു തുടങ്ങിയ ഫ്ലക്സ് ബോർഡുകളും. വല്ലാതെ വേദനിപ്പിക്കുന്നു ആ കാഴ്ച്ച.

കൊറോണ ലോക്ക് ഡൗണിൻ്റെ ഭാഗമായി 2020 മാർച്ച് പത്തിന് അടച്ചതാണ് കേരളത്തിലെ തിയ്യേറ്ററുകൾ. അറുനൂറ്റി ഇരുപത്തിയഞ്ചോളം വരുന്ന സ്ക്രീനുകളിൽ വെളിച്ചം വീണിട്ട് ഈ സെപ്തംബർ ഇരുപത്തിയാറിന് ഇരുന്നൂറ് ദിവസം തികയുന്നു. ചരിത്രത്തിൽ തന്നെ ആദ്യമായി !എത്ര തിയ്യേറ്റർ ജീവനക്കാരാണ് പട്ടിണിയിലായത്!
എത്ര തിയേറ്ററുടമകൾക്കാണ് വരുമാനമില്ലാതായത് ?

മാത്രമോ, QUBE, UFO, PXD, Scrabble, TSR, SONY, Velox Streams തുടങ്ങി എത്ര ഡിജിറ്റൽ സ്ഥാപനങ്ങൾ കഴിഞ്ഞ ഇരുന്നൂറ് ദിവസമായി അടഞ്ഞുകിടക്കുന്നു!
അവിടങ്ങളിൽ ജോലി ചെയ്തിരുന്ന എത്ര ജീവനക്കാരാണ് പെട്ടന്ന് വരുമാനമില്ലാത്തവരായി മാറിയത്.

തിയ്യേറ്ററുകളിൽ പോസ്റ്റർ ഒട്ടിച്ചു ജീവിച്ചിരുന്നവർ, ആ പോസ്റ്ററുകൾ ഡിസൈൻ ചെയ്തിരുന്നവർ, പോസ്റ്റർ പ്രിൻ്റ് ചെയ്തിരുന്ന സ്ഥാപനങ്ങൾ,
അവിടത്തെ ജീവനക്കാർ അങ്ങനെ എത്ര പേർ ? എത്ര കുടുംബങ്ങൾ !

മറ്റുള്ള തൊഴിൽ മേഖലകളൊക്കെയും സാധാരണ നിലയിലേക്ക് പിച്ചവച്ചു തുടങ്ങിയപ്പോഴും തിയ്യേറ്ററുകളും അനുബന്ധ മേഖലകളും നിശ്ചലമായി തുടരുന്നു.ചിത്രീകരണം നിലച്ചതോടെ സിനിമയുമായി ബന്ധപ്പെട്ട എത്ര പേരാണ്, അവരുടെ കുടുംബങ്ങളാണ് പട്ടിണിയിലായത്!

മറ്റെല്ലാ മേഖലകളും സജീവമായിക്കഴിഞ്ഞു. സിനിമയൊഴികെ. അവിടവിടെയായി ചില ചിത്രങ്ങൾ ചിത്രീകരണം ആരംഭിച്ചിട്ടുണ്ട്.

പക്ഷേ ഏറ്റവും കുറഞ്ഞത് നൂറു പേർ ജോലി ചെയ്തിരുന്ന ഒരു സിനിമാ സെറ്റിൽ ഇപ്പോൾ അൻപത് പേർക്കു മാത്രമാണ് അനുമതി.

അവിടെ താരങ്ങളെ കുറയ്ക്കാൻ കഴിയില്ല !
വെട്ടിക്കുറയ്ക്കുന്നത് സാധാരണക്കാരായ,
ദിവസ വേതനക്കാരായ പാവം തൊഴിലാളികളെയാണ്.

പ്രൊഡക്ഷൻ ബോയ്സ്, ക്രെയ്ൻ – യൂണിറ്റ് അംഗങ്ങൾ, ഡ്രൈവേഴ്സ്, വിവിധ മേഖലകളിലെ അസിസ്റ്റൻ്റ്മാർ അവരെയാണ് കുറയ്ക്കുന്നത്.
പിന്നെ ജൂനിയർ ആർട്ടിസ്റ്റുകളെയും.
വേറാരെയാണ് കുറയ്ക്കാൻ കഴിയുക ?

അപ്പോഴും പട്ടിണിയിലാവുന്നത് സാധാരണക്കാരനായ തൊഴിലാളിയുടെ കുടുംബമാണ്.

പ്രതിസന്ധിയെ നേരിടാൻ താരങ്ങൾ പ്രതിഫലം കുറയ്ക്കണമെന്ന് നിർമ്മാതാക്കളുടെ സംഘടന അറിയിച്ചിരുന്നെങ്കിലും,
പലരും അതിന് തയ്യാറായിട്ടില്ല എന്ന് മാത്രമല്ല ഒരു വിഭാഗം പഴയതിനേക്കാൾ കൂടുതൽ പ്രതിഫലമാണ് ആവശ്യപ്പെടുന്നത്.

ഒരു വിഭാഗം കൊറോണമൂലം രക്ഷപെടുകയും,
മറുവിഭാഗം മുഴുപ്പട്ടിണിയിലാവുകയും ചെയ്യുന്നു.

പലരും ഉപജീവനത്തിനായി മത്സ്യക്കച്ചവടത്തിലേക്കും, പച്ചക്കറിക്കച്ചവടത്തിലേക്കും ഒക്കെ തിരിഞ്ഞു കഴിഞ്ഞു.

എന്നാണിതിനൊരു മാറ്റം ?

എന്നാണ് പഴയകാലം തിരിച്ചു കിട്ടുക ?

മറ്റെല്ലാ മേഖലയെയും പോലെ സിനിമയും അതിൻ്റെ പ്രൗഢഗംഭീരമായ ആ കാലത്തിലേക്ക് തിരിച്ചു വരട്ടെ എന്ന് പ്രാർത്ഥിക്കുകയാണ്.

ഞാൻ മാത്രമല്ല,
എന്നെപ്പോലെ ആയിരങ്ങൾ ആ പ്രാർത്ഥനയിലാണ്.

ആ നല്ല നാളുകൾ തിരിച്ചു വരുന്നത് കാത്തിരിക്കുകയാണ് എല്ലാവരും !

ഈ മഹാമാരി മാറും !
ജീവിതം സാധാരണ നിലയിലാവും.
സിനിമാ മേഖല ഉണരും.
തിയ്യേറ്ററുകൾ നിറയും.
കരഘോഷങ്ങൾ മുഴങ്ങുന്ന തിയ്യേറ്ററിൻ്റെ ഗേറ്റിൽ ഹൗസ്ഫുൾ ബോർഡുകൾ തൂങ്ങും.

ഈ മഹാമാരി മാറട്ടെ എന്ന് നമുക്കൊരുമിച്ച് പ്രാർത്ഥിക്കാം ….
പ്രാർത്ഥനയോടൊപ്പം നമ്മുടെ ശ്രദ്ധയും കൂടിയുണ്ടെങ്കിൽ നമുക്ക് വേഗം തിരിച്ചുവരാം..

അങ്ങനെയൊരു
തിരിച്ചുവരവുണ്ടാകട്ടെ ..

#ഷാജി_പട്ടിക്കര

മൂവി

പാര്‍വ്വതി തെരുവോത്ത് നായികയാകുന്ന ‘വര്‍ത്തമാനം’ തീയറ്ററിലേയ്ക്ക്

Published

on

By

പ്രശസ്ത സംവിധായകന്‍ സിദ്ധാര്‍ത്ഥ് ശിവ പാര്‍വ്വതി തെരുവോത്തിനെ നായികയാക്കി ഒരുക്കുന്ന ‘വര്‍ത്തമാനം’ ഫെബ്രുവരിയില്‍ റിലീസ് ചെയ്യും.

ബെന്‍സി പ്രൊഡക്ഷന്‍സിന്‍റെ ബാനറില്‍ ബെന്‍സി നാസറും, ആര്യാടന്‍ ഷൗക്കത്തും ചേര്‍ന്ന് നിര്‍മ്മിക്കുന്ന ചിത്രത്തിന്‍റെ കഥയും തിരക്കഥയും സംഭാഷണവും ആര്യാടന്‍ ഷൗക്കത്തിന്‍റേതാണ്. കേന്ദ്ര സെന്‍സര്‍ ബോര്‍ഡ് റിവൈസിംഗ് കമ്മറ്റി പ്രവര്‍ത്തനാനുമതി നല്‍കിയതോടെ ചിത്രം തീയേറ്ററില്‍ റിലീസ് ചെയ്യുകയാണ്.

സ്വാതന്ത്ര്യ സമര സേനാനി മുഹമ്മദ് അബ്ദുള്‍ റഹ്മാനെ കുറിച്ച് ഗവേഷണം നടത്തുവാനായി ഡെല്‍ഹിയിലെ ഒരു യൂണിവേഴ്സിറ്റിയിലേക്കു യാത്രതിരിച്ച മലബാറില്‍ നിന്നുള്ള ഒരു പെണ്‍കുട്ടി നേരിടുന്ന വെല്ലുവിളികളും പ്രതിസന്ധികളുമാണ് വര്‍ത്തമാനത്തിന്‍റെ പ്രമേയം. സമകാലിക ഇന്ത്യന്‍ സമൂഹം നേരിടുന്ന രാഷ്ട്രീയ സാമൂഹ്യ പ്രശ്നങ്ങളാണ് ചിത്രം ചര്‍ച്ച ചെയ്യുന്നത്. ‘ഫൈസാ സൂഫിയ’ എന്ന ഗവേഷക വിദ്യാര്‍ത്ഥിനിയുടെ കഥാപാത്രമാണ് പാര്‍വ്വതിയുടേത്. റോഷന്‍ മാത്യു, സിദ്ദിഖ് എന്നിവരും ചിത്രത്തിലെ ശ്രദ്ദേയ കഥാപാത്രങ്ങളെ അവതരിപ്പിക്കുന്നു. ഇന്ത്യയിലെ സാമൂഹ്യ രാഷ്ട്രീയ പ്രശ്നങ്ങളെ ചിത്രം സജീവമായി ചര്‍ച്ച ചെയ്യുമ്പോള്‍ തന്നെ ഒരു കൊമേഴ്ഷ്യല്‍ ഫിലിമിന്‍റെ എല്ലാ ചേരുവകളും അടങ്ങിയതാണ് ‘വര്‍ത്തമാനം’ എന്ന് സംവിധായകന്‍ സിദ്ധാര്‍ത്ഥ് ശിവ പറയുന്നു.

No description available.

കുടുംബ പ്രേക്ഷകര്‍ക്കും എല്ലാ ചലച്ചിത്ര ആസ്വാദകര്‍ക്കും ഒരുപോലെ ആസ്വദിക്കാന്‍ കഴിയുന്ന ചിത്രമാണ് ‘വര്‍ത്തമാനം’. ഒരു പാന്‍ ഇന്ത്യ മൂവി എന്നു വേണമെങ്കില്‍ വര്‍ത്തമാനത്തെ വിശേഷിപ്പിക്കാമെന്നും സംവിധായകന്‍ പറഞ്ഞു.

No description available.

വലിയ തിരനാര തന്നെ ചിത്രത്തില്‍ അണിനിരക്കുന്നു. ഡെല്‍ഹി, ഉത്തരാഖണ്ഡ്, കേരളം എന്നിവിടങ്ങളിലായി രണ്ടു ഷെഡ്യൂളിലാണ് ‘വര്‍ത്തമാനം’ ചിത്രീകരിച്ചത്. രണ്ടു പാട്ടുകള്‍ ചിത്രത്തിലുണ്ട്. സിദ്ധാര്‍ത്ഥ് ശിവ സംവിധാനം ചെയ്യുന്ന ഏഴാമത്തെ ചിത്രം കൂടിയാണ് വര്‍ത്തമാനം. ദേശീയ-സംസ്ഥാന ചലച്ചിത്ര പുരസ്കാര ജേതാക്കള്‍ ഒരുമിക്കുന്ന സിനിമയെന്ന പ്രത്യേകത കൂടി ഇതിനുണ്ട്. ഏറെ സാമൂഹ്യ പ്രസക്തിയുള്ള ‘പാഠം ഒന്ന് ഒരു വിലാപം,’ ‘ദൈവനാമത്തില്‍’, ‘വിലാപങ്ങള്‍ക്കപ്പുറം’, എന്നീ ചിത്രങ്ങള്‍ക്കു ശേഷം ആര്യാടന്‍ ഷൗക്കത്ത് കഥയും തിരുക്കഥയും സംഭാഷണവും ഒരുക്കുന്ന ചിത്രമാണ് ‘വര്‍ത്തമാനം’. പാര്‍വ്വതി തെരുവോത്തിന്‍റെ വളരെ ശ്രദ്ധേയമായ കഥാപാത്രമാണ് വര്‍ത്തമാനത്തിലെ ഫൈസാസൂഫിയ.

ബാനര്‍ – ബെന്‍സി പ്രൊഡക്ഷന്‍സ്, സംവിധാനം – സിദ്ധാര്‍ത്ഥ് ശിവ, നിര്‍മ്മാണം – ബെന്‍സി നാസര്‍, ആര്യാടന്‍ ഷൗക്കത്ത്, കഥ-തിരക്കഥ-സംഭാഷണം – ആര്യാടന്‍ ഷൗക്കത്ത്, ക്യാമറ – അഴകപ്പന്‍, ഗാനരചന – റഫീക് അഹമ്മദ്, വിശാല്‍ ജോണ്‍സണ്‍, പശ്ചാത്തല സംഗീതം – ബിജിപാല്‍, പ്രൊഡക്ഷന്‍ കണ്‍ട്രോളര്‍ – ഡിക്സന്‍ പൊടുത്താസ്, പി.ആര്‍.ഒ. – പി.ആര്‍.സുമേരന്‍ (ബെന്‍സി പ്രൊഡക്ഷന്‍സ്)

Continue Reading

മൂവി

‘പുതുമുഖ താരങ്ങള്‍ അണിനിരക്കുന്ന ‘ലാല്‍ ജോസ്’ സിനിമയുടെ ഫസ്റ്റ് ലുക്ക് പോസ്റ്റർ പുറത്ത് വിട്ടു.

Published

on

By

മലയാള സിനിമയില്‍ മറ്റൊരു പുതുമയായി മാറുന്ന ‘ലാല്‍ ജോസ്’ ചിത്രത്തിൻ്റെ ഫസ്റ്റ് ലുക്ക് പോസ്റ്റർ നടൻ കുഞ്ചാക്കോ ബോബൻ റിലീസ് ചെയ്തു. പുതുമുഖ താരങ്ങളെ അണിനിരത്തി 666 പ്രൊഡക്ഷന്‍സിന്‍റെ ബാനറില്‍ ഹസീബ് മേപ്പാട്ട് നിര്‍മ്മിച്ച് നവാഗതനായ കബീര്‍ പുഴമ്പ്രം ഒരുക്കുന്ന പുതിയ സിനിമയാണ് ലാല്‍ ജോസ്. മലയാളത്തിലെ പ്രമുഖ സംവിധായകനായ ലാല്‍ ജോസിന്‍റെ പേരുതന്നെയാണ് ചിത്രത്തിന്‍റെ ടൈറ്റില്‍.

No description available.

ഈയൊരു പുതുമയിലൂടെ തന്നെ ചിത്രം സോഷ്യല്‍ മീഡിയയില്‍ ചര്‍ച്ചയായിക്കഴിഞ്ഞിരുന്നു. സിനിമയെയും സിനിമ പ്രവര്‍ത്തകരെയും ആരാധിച്ചു നടക്കുന്ന ഒരു ചെറുപ്പക്കാരന്‍റെ ജീവിതത്തിലെ വഴിത്തിരിവാണ് ലാല്‍ജോസ് സിനിമയുടെ കേന്ദ്ര പ്രമേയം. സസ്പെന്‍സും ത്രില്ലും നിറഞ്ഞ ഒരു ഫാമിലി എന്‍റര്‍ടൈനറാണ് ലാല്‍ജോസ്. കുടുംബ പ്രേക്ഷകരെയും യൂത്തിനെയും ഒരുപോലെ ആകര്‍ഷിപ്പിക്കുന്ന വളരെ പുതുമയുള്ള ചിത്രം കൂടിയാണ് ലാല്‍ജോസ്. സംഗീതത്തിനും ഏറെ പ്രാധാന്യമുണ്ട്. പൊന്നാനി, ഇടപ്പാള്‍, മൂന്നാര്‍, കൊച്ചി തുടങ്ങിയ ലൊക്കേഷനുകളിലായി ഒറ്റ ഷെഡ്യൂളിലാണ് ചിത്രം പൂര്‍ത്തീകരിച്ചത്.

ഒട്ടേറെ വെബ്സീരിയലുകളിലൂടെ ശ്രദ്ധേയനായ യുവനടന്‍ ശാരിഖ് ആണ് ലാല്‍ജോസിലെ നായക കഥാപാത്രത്തെ അവതരിപ്പിക്കുന്നത്. പുതുമുഖ നടി ആന്‍ ആന്‍ഡ്രിയയാണ് ഇതിലെ നായിക. അഭിനേതാക്കള്‍ – ഭഗത് മാനുവല്‍, ജെന്‍സണ്‍, റിസബാവ, കലിങ്ക ശശി, ടോണി, മജീദ്, കലാഭവന്‍ ഹനീഷ്, വിനോദ് കെടാമംഗലം, സാലു കുറ്റനാട്, ദേവി അജിത്ത്, ദേവിക, മാളവിക, ഫജ്ത, രാജേഷ് ശര്‍മ്മ, വി.കെ. ബൈജു. ബാലതാരങ്ങളായ – നിഹാര ബിനേഷ് മണി, ആദര്‍ശ്. ബാനര്‍ – 666 പ്രൊഡക്ഷന്‍സ്, നിര്‍മ്മാണം – ഹസീബ് മേപ്പാട്ട്, കഥ, തിരക്കഥ, സംഭാഷണം, സംവിധാനം – കബീര്‍ പുഴമ്പ്ര, ഡി.ഒ.പി. – ധനേഷ്, സംഗീതം – ബിനേഷ് മണി, ഗാനരചന – ജോ പോള്‍, മേക്കപ്പ് – രാജേഷ് രാഘവന്‍, കോസ്റ്റ്യൂംസ് – റസാഖ് തിരൂര്‍, ആര്‍ട്ട് – ബിജു പൊന്നാനി, പ്രൊഡക്ഷന്‍ കണ്‍ട്രോളര്‍ – ഇ.എ. ഇസ്മയില്‍, പ്രൊഡക്ഷന്‍ എക്സിക്യുട്ടീവ് – ജബ്ബാര്‍ മതിലകം, പ്രൊഡക്ഷന്‍ മാനേജര്‍ – അസീസ് കെ.വി, ലൊക്കേഷന്‍ മാനേജര്‍ – അമീര്‍ ഇവെന്‍ട്രിക്ക്, ചീഫ് അസോസിയേറ്റ് ഡയറക്ടര്‍ – സനു, പി.ആര്‍.ഒ. പി.ആര്‍. സുമേരന്‍.

കൂടുതല്‍ വിവരങ്ങള്‍ക്ക്
പി.ആര്‍. സുമേരന്‍ (പി.ആര്‍.ഒ.)
9446190254

Continue Reading

മൂവി

ദി ഗ്രേറ്റ് ഇന്ത്യന്‍ കിച്ചനെതിരെ രൂക്ഷ വിമര്‍ശനവുമായി ശോഭാസുരേന്ദ്രന്‍

Published

on

By

ജിയോ ബേബി സംവിധാനം ചെയ്ത ദി ഗ്രേറ്റ് ഇന്ത്യന്‍ കിച്ചന്‍ എന്ന ചിത്രം സമൂഹമാധ്യമങ്ങളില്‍ പ്രധാന ചര്‍ച്ചാ വിഷയങ്ങളിലൊന്നാണ്. ചിത്രത്തെ അനുകൂലിച്ചും വിമര്‍ശിച്ചും ഒട്ടേറെപ്പേരാണ് രംഗത്തുവരുന്നത്.

ചിത്രത്തിനെതിരെ രൂക്ഷ വിമര്‍ശനവുമായി ബിജെപി നേതാവ് ശോഭാ സുരേന്ദ്രനും രംഗത്തെത്തി. ഫേസ്ബുക്കിലൂടെയായിരുന്നു ശോഭാ സുരേന്ദ്രന്റെ വിമര്‍ശനം.

ശോഭ സുരേന്ദ്രന്റെ ഫേസ്ബുക്ക് പോസ്റ്റിന്റെ പൂര്‍ണ്ണ രൂപം:

ഭാരത സംസ്‌കൃതിയുടെ എണ്ണമറ്റ കാലത്തെ ചരിത്രം പരിശോധിച്ചാല്‍ ഈ നാടിന്റെ സാമൂഹ്യ മൈത്രിക്ക് കാരണമായത് ഹൈന്ദവ സംസ്‌കാരത്തിന്റെ ആതിഥ്യമര്യാദയും ഉള്‍ക്കൊള്ളല്‍ മനോഭാവവുമാണ്. നമ്മുടെ നാട്ടില്‍ വന്നവരെയെല്ലാം കൈനീട്ടി സ്വീകരിച്ചിട്ടേയുള്ളു നാം. നമ്മുടെ പാരമ്പര്യത്തില്‍ ഉറച്ചു നില്‍ക്കുമ്പോള്‍ തന്നെ, അവരില്‍നിന്ന് ഉള്‍ക്കൊള്ളേണ്ടത് നാം ഉള്‍ക്കൊണ്ടിട്ടുണ്ട്. പഠിക്കേണ്ടത് പഠിച്ചിട്ടുണ്ട്. ആ സാമൂഹ്യ ജൈവപ്രക്രിയയാണ് ഇന്നിന്റെ ലോകത്തെ ഇത്ര പുരോഗമനപരമാക്കിയത്.

പക്ഷേ നിര്‍ഭാഗ്യവശാല്‍, പുരോഗമനം എന്നാല്‍ വിശ്വാസവിരുദ്ധതയാണ് എന്ന് സ്ഥാപിക്കാന്‍ ചിലര്‍ ശ്രമിക്കുന്നുണ്ട്. അതിന് അവര്‍ ആദ്യം ആക്രമിക്കാന്‍ ഉന്നംവയ്ക്കുന്നത് ഹൈന്ദവ വിശ്വാസത്തെയും സംസ്‌കാരത്തെയുമാണ്. ഒരു വീട്ടമ്മയുടെ ബന്ധപ്പാടുകളും ബുദ്ധിമുട്ടുകളും അവതരിപ്പിക്കാന്‍ ഒരു സിനിമയെടുക്കുമ്പോള്‍ പോലും ശരണം വിളികള്‍ പശ്ചാത്തലത്തിലിട്ട് പരിഹസിക്കാതെ വയ്യ എന്ന തരത്തിലാണ് പുരോഗമനത്തെ ഈ കൂട്ടര്‍ മനസ്സിലാക്കിയിരിക്കുന്നത്. ഈ കൂട്ടര്‍ തന്നെയല്ലേ വിശ്വാസസംരക്ഷകരായ സ്ത്രീകളെ അപമാനിക്കാനായി ‘കുലസ്ത്രീകള്‍’ എന്ന് വിളിച്ചത്? അതിലും വലിയ എന്ത് സ്ത്രീവിരുദ്ധതയാണുള്ളത്?

ശരാശരി മധ്യവര്‍ഗ്ഗ വീടുകളുടെ അടുക്കളയിലെ കരിക്കലങ്ങള്‍ക്കിടയില്‍ ബുദ്ധിമുട്ടുന്ന ഒരുപാട് സ്ത്രീകള്‍ ഈ നാട്ടിലുണ്ട്. പക്ഷേ അവരുടെ ജീവിതത്തെ മുന്നോട്ടു നയിക്കുന്നത് ഈശ്വരനിലുള്ള അടിയുറച്ച വിശ്വാസം കൂടിയാണ്. അതുകൂടി തകര്‍ത്തു കഴിഞ്ഞാല്‍ ജീവിതത്തിന്റെ സര്‍വ്വ പ്രതീക്ഷകളും അസ്തമിച്ചു പോയേക്കാവുന്ന ഒരുപാട് സ്ത്രീകളുണ്ട്. അവരെയും കൂടി അംഗീകരിച്ചുകൊണ്ട് മാത്രമേ സ്ത്രീ സംബന്ധിയായ ഏത് വിഷയത്തിലും നിങ്ങള്‍ക്ക് പുരോഗമനം കണ്ടെത്താന്‍ കഴിയൂ. ഇന്‍ക്ലൂസിവ് അല്ലാത്ത ഒരു പ്രത്യയശാസ്ത്രത്തെയും പുരോഗമനപരം എന്ന് വിളിക്കാന്‍ കഴിയില്ല.

Continue Reading

Updates

കേരളം11 hours ago

നവോത്ഥാന സമിതിയിൽ വിള്ളല്‍:കെ.പി.എം.എസും എസ് എന്‍ ഡി പിയും പങ്കെടുത്തില്ല

നവോത്ഥാന സമിതിയിൽ വിള്ളല്‍. മുന്നാക്ക സംവരണം നടപ്പാക്കിയതുമായി ബന്ധപ്പെട്ട് കെ.പി.എം.എസ് ജനറല്‍ സെക്രട്ടറിയും സമിതി കണ്‍വീനറുമായ പുന്നല ശ്രികുമാര്‍. മുഖ്യമന്ത്രി പിണറായി വിജയൻ ചൊവ്വാഴ്ച വിളിച്ച യോഗത്തിൽ...

പൊളിറ്റിക്സ്‌15 hours ago

കെ.വി തോമസ് കോൺഗ്രസ് വിട്ട് വന്നാൽ സ്വാഗതം ചെയ്യുമെന്ന് സി.പി.എം

മുതിർന്ന കോൺഗ്രസ് നേതാവ് കെ.വി തോമസ് നിയമസഭാ തെരഞ്ഞെടുപ്പിൽ ഇടതുപക്ഷ സ്ഥാനാർഥിയായി മത്സരിക്കുമെന്ന അഭ്യൂഹം ശക്തമായിരിക്കെയാണ് സി.പി.എം എറണാകുളം ജില്ലാ സെക്രട്ടറി സി.എൻ മോഹനൻ നിലപാട് വ്യക്തമാക്കിയത്....

പൊളിറ്റിക്സ്‌15 hours ago

ജോൺ ബ്രിട്ടാസ് നിയമസഭയിലേക്ക് മത്സരിക്കുമെന്ന് സൂചന

മുഖ്യമന്ത്രിയുടെ  മാദ്ധ്യമ ഉപദേഷ്‌ടാവുമായ ജോൺ ബ്രിട്ടാസ് ഇത്തവണ നിയമസഭയിലേക്ക് മത്സരിക്കുമെന്ന് സൂചന. കണ്ണൂർ സ്വദേശിയായ ബ്രിട്ടാസിന് ജില്ലയിലെ തന്നെ ഒരു സുരക്ഷിത മണ്ഡലത്തിൽ നിന്ന് സീറ്റ് ലഭിക്കുമെന്നാണ്...

ആനുകാലികം17 hours ago

തീരശോഷണം നേരിടാൻ കിഫ്ബി സഹായത്തോടെ പദ്ധതി: മുഖ്യമന്ത്രി

തീരശോഷണം നേരിടുന്നതിന് കിഫ്ബി ഫണ്ട് ഉപയോഗിച്ച് പദ്ധതി നടപ്പാക്കുമെന്ന് മുഖ്യമന്ത്രി പിണറായി വിജയൻ പറഞ്ഞു. തിരുവനന്തപുരം മാസ്‌ക്കറ്റ് ഹോട്ടലിൽ വിവിധ സാമൂഹ്യ സംഘടനാ നേതാക്കളുമായി സംവദിക്കുകയായിരുന്നു അദ്ദേഹം....

കേരളം17 hours ago

സംസ്ഥാനത്ത് വാക്സിൻ സ്വീകരിച്ചവർ 24,558 പേർ

സംസ്ഥാനത്ത് രണ്ടാം ഘട്ടമായി 3,60,500 ഡോസ് കോവിഷീൽഡ് വാക്സിൻ കൂടി കേരളത്തിന് അനുവദിച്ചതായി കേന്ദ്ര ആരോഗ്യ മന്ത്രാലയം അറിയിച്ചതായി ആരോഗ്യ വകുപ്പ് മന്ത്രി കെ.കെ. ശൈലജ ടീച്ചർ....

കേരളം17 hours ago

ആലപ്പുഴ കൈനകരിയില്‍ പക്ഷികള്‍ ചത്തത് പക്ഷിപ്പനി മൂലമാണെന്ന് സ്ഥിരീകരിച്ചു

ആലപ്പുഴ കൈനകരിയില്‍ പക്ഷികള്‍ ചത്തത് പക്ഷിപ്പനി മൂലമാണെന്ന് സ്ഥിരീകരിച്ചു. എച്ച്-5 എന്‍-8 വിഭാഗത്തില്‍ പെട്ട വൈറസാണ് കൈനകരിയിലും കണ്ടെത്തിയത്. രോഗം ബാധിച്ച പ്രദേശത്തിന് ഒരു കിലോമീറ്റര്‍ ചുറ്റളവിലെ...

പൊളിറ്റിക്സ്‌18 hours ago

കെ.പി.സി.സി അധ്യക്ഷനാകാനൊരുങ്ങി കെ. സുധാകരന്‍

കല്‍പ്പറ്റയില്‍ മത്സരിക്കാനൊരുങ്ങുന്നതിനാല്‍ അദ്ധ്യക്ഷ പദവി ഒഴിയുവാന്‍ മുല്ലപ്പള്ളി രാമചന്ദ്രന്‍ സന്നദ്ധത പ്രകടിപ്പിച്ചിട്ടുണ്ട്. ഇതിനെ തുടര്‍ന്നാണ് കെ സുധാകരന്റെ പേര് അദ്ധ്യക്ഷ സ്ഥാനത്തേക്ക് ഉയര്‍ന്നത്. സുധാകരനെ താത്കാലിക അദ്ധ്യക്ഷനാക്കുന്നത്...

മൂവി18 hours ago

പാര്‍വ്വതി തെരുവോത്ത് നായികയാകുന്ന ‘വര്‍ത്തമാനം’ തീയറ്ററിലേയ്ക്ക്

പ്രശസ്ത സംവിധായകന്‍ സിദ്ധാര്‍ത്ഥ് ശിവ പാര്‍വ്വതി തെരുവോത്തിനെ നായികയാക്കി ഒരുക്കുന്ന ‘വര്‍ത്തമാനം’ ഫെബ്രുവരിയില്‍ റിലീസ് ചെയ്യും. ബെന്‍സി പ്രൊഡക്ഷന്‍സിന്‍റെ ബാനറില്‍ ബെന്‍സി നാസറും, ആര്യാടന്‍ ഷൗക്കത്തും ചേര്‍ന്ന്...

മൂവി18 hours ago

‘പുതുമുഖ താരങ്ങള്‍ അണിനിരക്കുന്ന ‘ലാല്‍ ജോസ്’ സിനിമയുടെ ഫസ്റ്റ് ലുക്ക് പോസ്റ്റർ പുറത്ത് വിട്ടു.

മലയാള സിനിമയില്‍ മറ്റൊരു പുതുമയായി മാറുന്ന ‘ലാല്‍ ജോസ്’ ചിത്രത്തിൻ്റെ ഫസ്റ്റ് ലുക്ക് പോസ്റ്റർ നടൻ കുഞ്ചാക്കോ ബോബൻ റിലീസ് ചെയ്തു. പുതുമുഖ താരങ്ങളെ അണിനിരത്തി 666...

പൊളിറ്റിക്സ്‌19 hours ago

ഐഎന്‍എല്‍ സീറ്റ് നല്‍കിയില്ല; പൂന്തുറ സിറാജ് പിഡിപിയിലേക്ക് മടങ്ങി

കൊല്ലം: തദ്ദേശ തെരഞ്ഞെടുപ്പില്‍ സീറ്റ് ലക്ഷ്യം വെച്ച് പിഡിപി വിട്ട് ഐഎന്‍എല്ലില്‍ ചേര്‍ന്ന പൂന്തുറ സിറാജ് പിഡിപിയിലേക്ക് മടങ്ങി. തിരുവനന്തപുരം കോര്‍പറേഷന്‍ മാണിക്യവിളാകം വാര്‍ഡില്‍ സിറാജിനെ മത്സരിപ്പിക്കാം...

Trending